വാഷിംഗ് മെഷീന്‍ തുറക്കുമ്പോള്‍ അതിനകത്ത് ഇങ്ങനൊരു ‘ഷോക്കിംഗ് സര്‍പ്രൈസ്’ ഒളിച്ചിരിപ്പുണ്ടാകുമെന്ന് തായ്‌ലാന്‍ഡുകാരന്‍ കോണ്‍ചരുണ്‍ റോക്ചായി സ്വപ്‌നത്തില്‍ പോലുംകരുതിയിട്ടുണ്ടാകില്ല. 12 അടി നീളമുള്ള പെരുമ്പാമ്പാണ് വാഷിംഗ് മെഷീന്‍ തുറന്നതാരാണെന്നറിയാനായി തല നീട്ടി നോക്കിയത്!

രക്ഷാപ്രവര്‍ത്തകരെത്തിയിട്ടും പാമ്പിനെ പുറത്തെടുക്കാന്‍ സാധിച്ചില്ല. ഒടുവില്‍ അരമണിക്കൂര്‍ നീണ്ട പരിശ്രമത്തിനൊടുവിലാണ് ആ ‘കൊടും ഭീകരനെ’ പുറത്തെടുത്തത്. പുറത്തെടുത്ത ശേഷം ചാക്കിലാക്കി രക്ഷാപ്രവര്‍ത്തകര്‍ തന്നെ പാമ്പിനെ കൊണ്ടു പോയി.